Өзбекстандан мыйзамсыз жүктү алып кирүүгө аракет кылган жаран кармалды

Мамлекеттик бажы кызматынын кызматкерлери Өзбекстандан Кыргызстанга контрабандалык жүктү ташып кирүүгө аракет кылган адамды кармады. Бул тууралуу аталган кызматтын басма сөз кызматы билдирди.

Маалыматка ылайык, бажы кызматкерлери тарабынан Өзбекстандын “Чоң-Гара” анклавынан чыгууда Б.Ж.А., аттуу кыргызстандыктын башкаруусундагы Mercedes-Benz 817 үлгүсүндөгү унаа токтотулуп, текшерилген.

"Унааны текшерүүдө андан ары сатуу үчүн арналган чарба идиш-аяктардын ассортименти табылган. Айдоочу Өзбекстандан Кыргызстанга жүктү мыйзамсыз ташып кирүүгө аракет жасаган",- деп айтылат билдирүүдө.

Аталган факты каттоого алынып, материалдар Ош облусунун прокуратурасына өткөрүлүп берилген.