Жол эрежесин бузган айдоочулардан 116,3 млн сом өндүрүлдү

2024-жылдын үч айында Кыргызстанда 278 миң 740 жол эрежесин бузуу фактысы аныкталып, мамлекеттик бюджетке 116 млн 299 миң 700 сом өндүрүлдү. Бул тууралуу ИИМдин Башкы жол инспекциясы билдирди.

Маалыматка ылайык, текшерүүдө 3 миң 754 айдоочу унааны мас абалында айдаган. 3 миң 14 айдоочунун тиешелүү документи болгон эмес.

Ар кандай жол эрежесин бузгандыгы үчүн 23 миң 318 унаа айып жайга киргизилди.