Кыргыз-өзбек биргелешкен «Артель Электроникс» ишканасы 2023-жылдан тарта экспортко чыгууну жана Оштон газ плита, телевизор өндүрүүнү пландоодо. Бул тууралуу президенттин сайтында маалымдалат.

Нарындагы медиктерге кенемте төлөө үчүн 15 млн сомдон ашык каражат бөлүндү

Азыркы учурда ишкана айына 900гө жакын кир жуучу машина чыгарат. Ай сайын 3 млн сомго жакын соода жүргүзөт. Өндүрүлгөң продукциялар азырынча ички рынокто сатылат, бирок кийинчерээк экспортко чыгуу пландалууда.

Коммерциялык директор Орозбай Атоджановдун айтымында, фабрикада азырынча 105 адам иштейт, кийинчерээк жумушчу орунду 200гө жеткирүү каралууда.

Сооронбай Жээнбеков 10-сентябрда Ош шаарына болгон иш сапарда, бул заводдун иши менен таанышты.

Кошумчалай кетсек, өлкө башчы эки өлкө ортосунда соода жүгүртүүнү өнүктүрүү керек экендигин жана өлкө экспорт боюнча эң ири потенциалга ээ экендигин баса белгиледи.