Коррупция фактысы боюнча «Кыргызкөмүр» мамлекеттик ишканасынын жана Транспорт, архитектура, курулуш жана коммуникациялар министрлигинин кызматкерлери кармалды. Бул тууралуу УКМКдан билдиришти.

«Манас» аэропорту коррупциянын кесепетинен 50 млн $ инвестициядан куру жалак калышы мүмкүн

Маалыматка ылайык, «Кыргызкөмүр» ишканасынын «Кара-Кече» филиалынын кызматкерлери ар бир айддоочудан миң сомдон тоскоолдуксуз жүктөө үчүн алып турушкан.

Статистикалык маалыматтарга ылайык, 2019-2020-жылытуу мезгилине карата Бишкек шаарындагы ЖЭБге көмүрдүн ташылышын эске алганда, 15 миң 376 жүк ташуучу унаага жүк жүктөлгөн. Ал эми 2020-2021-жылытуу мезгилинде тыныгуучу унаалардын саны 22 миң 199ду түзгөн. Натыйжада «Кыргызкөмүрдүн» кызматкерлери эки жылытуу мезгилинде негизсиз алган каражаттын көлөмү 37 миллион сомдон ашкан.

Алар ташылган көмүрдүн уруксат берилген массасынан ашыкча ар бир айдоочудан 500 сомдон алып турушкан.

Жыйынтыгында «Кыргызкөмүр» мамлекеттик ишканасынын 2 кызматкери жана Транспорт, архитектура, курулуш жана коммуникациялар министрлигинин алдындагы «Турускул» салмак-габариттик көзөмөл пунктунун 2 инспектору кармалып, Нарын шаардык ИИБинин убактылуу кармоочу жайына киргизилди.