Экономикалык эркиндик деңгээли боюнча Кыргызстан 180 мамлекеттин ичинен 2020-жылы 81-орунду ээледи. Өлкөнүн индекси 62.9 түздү. Рейтингдин маалыматына ылайык, бул индекс орточо деңгээлдеги экономикалык эркиндикти көрсөтөт.

Экономика министрлиги жүк ташууну көзөмөлдөгөн операторлорго сынак жарыялайт

ЕАЭБ өлкөлөрүнүн ичинен эң жакшы көрсөткүч Армения өлкөсүндө, индекс 70.6 — экономиканын эркин деңгээлин көрсөтөт. Ал эми эң төмөн көрсөткүч Россияда — индекс 61, өлкө дүйнө жүзү боюнча 94-орунду ээледи. Казакстандын индекси 69.6 түзүп, 40-орунду ээледи.

Топ-3кө Сингапур, Гонконг жана Жаңы Зеландия 89.4, 89.1 жана 81.4 индекси менен кирди.

Белгиленгендей, рейтингдин маалыматына ылайык, калктын санына жараша ИДПнын көрсөткүчү эркин экономикалык өлкөлөрдө — 66.8 миң долларды түзөт. Бул эркин экономикасы басымдуулук кылган өлкөлөргө караганда 37,5% га, ал эми орто деңгээлдеги эркин өлкөлөргө караганда 3 эсеге көп. ИДПнын калктын жан башына салыштырмалуу эң төмөнкү деңгээли - эркин эмес экономикасы бар өлкөлөрдө - 7,6 миң доллар - экономикалык эркиндиктин мыкты категориясына кирген өлкөлөргө караганда дароо 8,8 эсеге аз.