Ички дүң продукт 2020-жылдын январь-май айларында, алдын ала баалоо боюнча, 186 миллиард сомдон ашты жана 2019-жылдын январь-май айларына салыштырмалуу 4,8 пайызга азайды. Бул тууралуу Улуттук статистикалык комитет билдирди.

2020-жылдын 4 айында Кыргызстандын ИДПсы 3,8%га төмөндөгөн

«Кумтөр» кен казуу ишканаларын эсепке албаганда, 2020-жылдын январь-майда ИДП көлөмү 161 миллиард сомду түзүп, 6,4 пайызга азайган.

Өнөр жай продукциясынын көлөмү 2020-жылдын январь-майда 124 миллиард сомду түздү жана өткөн жылдын январь-майга салыштырмалуу 0,2 пайызга азайды, бул чийки мунайзатты өндүрүүнүн (65,9 пайыз), жыгачты жана кагаз иштетүүнүн (25,4 пайыз), резина жана пластмасса буюмдарынын жана металлдык эмнес буюмдардын (21,9 пайыз), текстиль, кийим, бут кийим өндүрүшүнүн, булгаары жана булгаарыдан жасалган буюмдардын өнүдүрүшүнүн (13,3 пайыз) азайгандыгына, ошондой эле тамак-аш продуктулар өндүрүшүнүн, анын ичинде суу ичимдиктери менен тамеки өндүрүүңүнүн (4,0 пайыз) кыскарганына байланыштуу.