Нарында 11 миң 293 орто жакыр үй-бүлөгө гуманитардык жардам берилди. Бул тууралуу өкмөттүн Нарын облусундагы ыйгарым укуктуу өкүлүнүн орун басары Жаркын Ибраева билдирди.

Кытайдан келген гуманитардык жардам Баткенге дагы жеткирилди

Анын айтымында, облуста жалпы 18 миң 542 орто жакыр үй-бүлө бар.

«Калган 7 миң 249 үй-бүлөгө жардам берилет. Ал эми күнүмдүк иштеп, акча тапкандардын саны 5 миң 843 үй-бүлө болсо, 4 миң 666 үй-бүлө жардам алды. Жардамдар коомдук уюм, бейөкмөт уюмдардан да келүүдө», - дейт ал.

Коронавируска байланыштуу Кыргызстандын Бишкек, Ош, Жалал-Абад шаары жана Ноокат, Кара-Суу, Сузак райондорунда киргизилген өзгөчө абалдын режими 30-апрелге чейин узартылды. Ошондой эле ал убакытка чейин өзгөчө абал тартиби Нарын шаары жана Ат-Башы районунда киргизилди.

Мындан улам өзгөчө абал киргизилген шаар жана райондордо 21:00-06:00 сааттар арасы коменданттык саат деп белгиленип, ал убакта көчөдө жүрүүгө тыюу салынды. Ал эми саат 06:00дөн 21:00гө чейин жарандар сыртка үч себеп менен чыга алышат: дүкөндөн азык-түлүк, дарыканадан дары-дармек сатып алуу жана ооруканага баруу үчүн. Сыртка чыкканда жарандардын жанында өздүгүн тастыктоочу документи жана маршруттук кагазы болуш керек.