Оштогу Бабур атындагы академиялык музыкалык драма театрын толук реконструкциялоо иштери башталды. Бул тууралуу “Акчабарга” театрдын жетекчилиги билдирди.

Маалым болгондой, 1979-жылы курулган театр ушул күнгө чейин бир да жолу капиталдык оңдоодон өткөн эмес. Реконструкциялоо Өзбекстан менен Кыргызстандын ортосундагы эл аралык эки тараптуу келишимдин негизинде башталды. Ага ылайык, Өзбекстан оңдоп-түзөө иштерине беш миллион доллар каражат бөлгөн.

Жаңылоо иштери 2022-жылдын башында бүтөт. Долбоорго ылайык, мекеменин имараты толугу менен оңдолот.