Талас облусунун тургуну, меценат Бактыбек Чойбеков кечээ Талас облусуна 1 млн 100 миң сомго медициналык шаймандарды жана дары-дармектерди берди.

1,8 млн казакстандык 42 500 теңгеден жардам алды

Маалыматка ылайык, меценат тарабынан кычкылтек концентраторлору, пульсоксиметрлер, тепловизорлор, жеке коргонуучу каражаттар, респираторлор, дарылар: клексан, гепарин, оксапар жана башка медициналык каражаттар берилди. Берилген медициналык каражаттар Талас облусунун 13 айылдык кеңешинин медициналык мекемелерине бөлүштүрүлөт.

Мындан тышкары, Б.Чойбеков Талас облустук ооруканасынын дарыгерлерине акчалай жардам көрсөттү. Жергиликтүү бийлик берген жардамы үчүн Бактыбек Чойбековго терең ыраазычылык билдирди.