Кыргызстандын бизнес тармагында блокчейн жакында эле кире баштады. Ишкерлер ааламдашуу доорунда арта калбай жаңы технологияларга аралашып, өз продукцияларын иштеп чыгып жатышат. Баардык учурда эле иш ойдогудай эмес. 

Блокчейнди колдонуучу тармактар толтура. Бул жаңы технология мамлекеттик органдарга көп пайда алып келмек. Бирок, азырынча мамлекеттик  органдар бул жаңылыкты этияттык менен сырттан гана карап турушат. Ага карабай, блокчейнден пайда табууга бет алып, бул жаңы нерсени Кыргызстандыктарга  Blockchain Network of Central  компаниясы сунуштап жатат.

Блокчейн-технологиясы тууралуу  кеңири  маалыматтарды "Акчабар" финансы порталынын орусча версиясында Жанабил Давлетбаев айтып берип, ал Кыргызстандагы финансы рыногуна кандай өзгөртүү жасап жатканына токтолду.