«20 жылдан кийин мен кандай адам болом?» «Бай-Түшүм» банкы жеткинчектер үчүн сынак жарыялайт.

Кыргызстан АӨБдөн 50 млн $ алат. Долбоор ЖК комитети тарабынан жактырылды

Өз бактысын бардык адамдар сынап көрсө болот. Сынакка 16 жашка чейинки жеткинечектер катыша  алышат. Бул тууралуу «Акчабарга» банктан маалымдашты.

Сынактын эң активдүү жана креативдүү делген катышуучулары Бай-Түшүм банкынан баалуу белектер менен таттууларга ээ болот. Бул балдарды коргоо күнүнө карата атайын уюштурулган. Сынактын жыйынтыктары июнь айынын башындла белгилүү болот. Жеңүүчүлөрдү банктын калыстары аныкташат.

Уюштуруучулар катышуучуларды бирдей формат менен чектебей, эркин коюуну чечишкен. Эң башкы тапшырма – «Мен 20 жылдан кийин кандай адам болом?», - деген суроого жооп берүү.

 «Бул сүрөт, видео же дагы башка формат болушу мүмкүн. Жасалган жумуштар кыргыз жана орус тилинде кабыл алынат. Биз үчүн катышуучулардын теманы ачып берүүсү маанилүү. Быйыл «Бай-Түшүм» банкы иш алып барып жатканына 20 жыл толот. Сынакка баа берүүнүн негизги критерийлерине креативдүүлүк, оригиналдуулук жана темага болгон айкалыш саналат. Конкурстун жыйынтыгында 10 мыкты жумушту тандап алабыз. Жеңүүчүлөр пауэрбанк жана таттууларга ээ болушат»,- деп билдиришти «Бай-Түшүм» банкынан.