"КАМАЗ" концернине 500 кыргызстандык жумушка орношо алат. Бул тууралуу Эмгек министри Кудайберген Базарбаев менен КАМАЗ автоконцернинин директорунун орун басары Жанна Халиуллинанын жолугушуусунда белгилүү болду.

Алар билим берүү жана суроо-талапка ээ болгон кесиптерге окутуу жана мындан ары автозаводдун өндүрүштүк базасында ишке орноштуруу боюнча кызматташуу маселелерин талкуулашты.

"Эмгек министрлиги кесипке багыт берүү жана өзгөчө жаштарды кесипке үйрөтүү маселелерине чоң көңүл бурат. Ушул жылдын 4 айында эле ишке орноштуруу кызматтары тарабынан 2 миң адам кесиптик окууга жиберилди", - деди Кудайберген Базарбаев.