Кыргызстандын Евразия экономикалык биримдигине жасаган экспорту 2019-жылдын беш ай аралыгында   $210 млн 639 миң 335 бааланды.  Мындай эсептөөнү Евразия экономикалык  комиссиясы  (ЕЭК)  жасап чыккан.

Баалар боюнча экспорттун наркы 24.3% 2018-жылдагы дал ушул мезгилге караганда төмөн түшүп кеткен. 

Бишкекте жаңы завод ачылды

Айтмакчы,январдан-май айына чейинки аралыкта Кыргызстандан Арменияга эч нерсе экспорттолгон эмес. 2018-жылы дагы эч кандай алыш бериш мамилеси болгон эмес. Ал эми Беларусияга карата экспорттун баасы  61.1% жогоруласа, Казахстанга —  13.5%,  Россиягатескеричне 51.8% төмөндөө болгон. 

Кыргыз экспортунун көлөмдүү бөлүгү Казахстанга жөнөтүлүп $126 млн 872  миң 739 сумманы түзүп, анда кен байлыктары, руда баалуу металдардын кошулмасы эле $48 млн 880 миң  353 бааланды. 

Коңшу мамлекетке жөнөтүлгөн ири экспорттун түрү:

•  пластмас идиш-аяктар, андан  Кыргызстан $7.9 млн каражат тапкан;
• нукра териден ултарылган бут кийимдер — $7.2 млн;
• териге кам көрүүчү косметикалык каражаттар, декаративдүү косметикалар — $5.4 млн;
• алма, өрүк жана айва — $5.2 млн;
• нан жана нан азыктарынан — $4.3 млн.

Акчаңызды кайда жумшайсыз?

Экспорттогу экинчи орунга Россия  туруп, анда Кыргызстандан  $78 млн 584 миң 793 каражатка ата мекендик товарлар сатылган.

Кыргызстандан Россияга ташылган негизги товарлардын түрү:

•  трикотаждан жасалган аялдардын блузкалары — $14.5 млн;
• темир жана лом калдыктары, металлдар — $7.1 млн;
• автомобиль менен тракторлордун тетиктери — $4.3 млн;
• тытылбаган пахта булалары — $3.4 млн;
• май — $3 млн.

Ушул эле мезгилде Беларусияга $5 млн 181  миң 803  каражаттык товарлар ташылган. Алардын 95%  автомобиль, трактордун тетиктери   $4.8 млн  каражатка Кыргызстан  саткан. Экспорттун калган бөлүгүн азык-түлүк, бут кийим жана кийим кечек түздү.