Казакстанда доллардын курсу 397 теңгеге чейин көтөрүлдү

09.03.2020, 16:00 Акчабар
Казакстанда доллардын курсу 397 теңгеге чейин көтөрүлдү

Дүйнөдө мунайдын баасы төмөндөп жаткандыгына байланыштуу Казакстандагы акча алмаштыруу жайларында доллардын курсу 397 теңгеге чейин көтөрүлдү.

9-мартта өлкөдө эс алуу күнү болгондуктан, Казакстандын фондулук биржасында валюталык соода-сатык болгон жок. Жума күнү кечинде биржалык соода-сатыкта доллардын орточо курсу 382,22 теңгени түзгөн.

Дүйшөмбү күнү орус рубли да кунун жоготуп, бир доллар 72,72 рублге туура келди. Бул 2016-жылдан берки эң төмөнкү көрсөткүч.

Коронавируска байланыштуу дүйнөдө мунайга муктаждык азайып, анын баасы төмөндөп жаткандыктан, өткөн жумада Россия менен Казакстан мүчө болгон ОПЕК+ тобу бааларды кармап туруу үчүн өндүрүш көлөмүн азайтуу боюнча мунасага келе алган эмес. Кремль ОПЕК сунуштаган азайтуу көлөмүнө жана чаралардын узактыгына макул болгон жок. Мындан соң Сауд Арабиясы Азия үчүн бир баррель мунайдын баасын төрт-алты долларга, АКШ үчүн жети долларга арзандатарын билдирген.

Бүгүнкү күндө Brent мунайынын баррели 36 долларга сатылууда. 2014-жылдагы баа согушунда анын баасы 30 доллардан төмөн түшүп кеткен.

Казакстан Россиянын экономикалык өнөктөшү жана Москва жетектеген Евразия экономикалык биримдигинин мүчөсү болуп эсептелет.

Тэги: Казакстан доллар теңге

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу