Россия Тажикстан мектептериндеги тамактанууга 21,2 млн $ бөлөт

17.06.2020, 09:35 Акчабар
Россия Тажикстан мектептериндеги тамактанууга 21,2 млн $ бөлөт

Россия Тажикстан мектептериндеги тамактануу системасын өнүктүрүү үчүн 11,2 миллион доллар бөлөт. Бул тууралуу Россиянын Душанбедеги элчилиги кабарлады.

 

Каражат билим берүү мекемелериндеги ашканаларды оңдоого, жабдууга, мектеп кызматкерлеринин квалификациясын жогорулатууга, ошондой эле өлкөдө туура тамактануу боюнча маалыматтык өнөктүктөрдү жүргүзүүгө жумшалат.

Мындан тышкары долбоордун алкагында 2020-2021-жылдар үчүн орусиялык азык-түлүк товарларын сатып алууга кошумча дагы 10 миллион доллар бөлүнөт.

Тажикстанда бул долбоор 1999-жылдан бери иштеп келет. Москва ага 2010-2015-жылдары 35,5 миллион доллар бөлгөн. Андан бери долбоорду каржылоо мөөнөтү жыл сайын узартылып келет.

Элчи Игорь Лякин-Фроловдун айтымында, бул Россиянын Тажикстандагы эң ири долбоорлорунун бири жана анын жалпы бюджети 80 миллион долларды түзөт.

2019-жылдын аягында Россия жакынкы үч жылдын ичинде Тажикстанга беш мектеп куруп берери белгилүү болгон.

Москва 12 жылдан бери Тажикстандагы мектептерге жардам көрсөтүп келет. 2017-жылы Россия Душанбеге 30, 2018-жылы 48 мугалим жөнөткөн.

 

Тэги: Россия Тажикстан мектептер каражат

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу