2019-жылы республикалык бюджеттен билим берүү чөйрөсүнө 29.3 млн сом каралган. Анын 74.8% 120 миң кызматкердин айлык маянасына жумшалат. Бул тууралуу өкмөттүн басма сөз кызматы билдирди.

«Инфоком» ишканасы элүү миң сомдук айлыкка программист издеп жатат

Эскерте кетсек, премьер-министр Мухаммедкалый Абылгазиев «Кыргызстандын билим берүүдөгү заманбап багыттары» аттуу педагогикалык кеңешмесинде сөз сүйлөп жатып, үстүбүздөгү жылдын 1-октябрынан тартып мугалимдердин айлыгы 30%га көтөрүлөрүн билдирди.

Эмгек акысын көтөрүү төмөнкүлөргө тийиштүү:

• жалпы билим берүү уюмдарынын 77 миң 860 мугалими; 
• мектепке чейинки билим берүү уюмдарынын 7 миң 694 тарбиячысы;
• кесиптик-техникалык окуу жайлардын 3 миң 680 өндүрүштүк окутуу мастери; 
• орто кесиптик окуу жайлардын 7 миң 427 окутуучусу (училище, колледждер); 
• билим берүүнүн башка 23 миң 339 кызматкери. 

Эмгек акы төлөө фондунун көрсөтүлгөн суммасынын 69% педагогикалык кызматкерлерге жана 11,5% административдик-башкаруу кызматкерлерине (окутуу-тарбиялоо кызматкерлери) төлөнөт.

Өкмөт тарабынан 2019-жылдын 1-октябрынан тартып мугалимдердин айлыгы 30%га көтөрүү сунушталууда.