“Айыл чарбасын каржылоо–11” долбоорунун алкагында 5 636 өндүрүүчүгө 2 540,3 млн. сом өлчөмүндө жеңилдетилген насыя берилген. Бул тууралуу Каржы министрлигинен билдиришти. 

Маалыматка ылайык, Каржы министрлигинин “Финансылык кредиттик фонду” тарабынан  “Айыл чарбасын каржылоо” долбоорун ишке ашырууну баштагандан тартып 126 430 чарбалык субъектилерге 54,27 млрд. сом суммасында насыя берилди.

Анын ичинде:

• “Мал чарбачылык” тармагы боюнча 34,96 млрд. сом суммасында 100 303 субъектке;
• “Өсүмдүк өстүрүүчүлүк” тармагы боюнча 23 658 жаранга 8,46 млрд. сом;
• “Айыл чарба өндүрүмүн кайра иштетүү” тармагы боюнча 10,85 млрд. сом суммасында 2 469 насыя алуучуларга берилди. 

Белгилеп кетсек, “Айыл чарбасын каржылоо – 11” долбоору боюнча насыялар мамлекеттик эки коммерциялык банктан берилүүдө. Насыялоонун  көлөмү 3,3 млрд. сомду түздү.