"Манас" эл аралык аэропортунун акциялары кирешенин өсүшүнүн шартында наркынын өсүшүн улантууда. Мындай тыянактарды Кыргыз фондулук биржасынын статистикасына таянып чыгарса болот.

Фондулук биржада өткөн жумадагы соодалашуунун жыйынтыгы боюнча өлкөнүн башкы аба портунун баалуу кагаздары 351-360 сомдун чегинде сатылып, жума максималдуу деңгээлде аяктады. Ал эми эки жума мурун, акциялар буга чейин 20 сомго, 350 сомго чейин жогорулаганын көрсөттү.

Эксперттер "Манас" аэропортундагы акциялардын кымбатташын туристтик сезондун ийгиликтүү өтүшү жана анын 15-сентябрга чейин узартылышы менен түшүндүрүшүүдө. Бул ААКка кошумча киреше алып келди. Чынында эле, аэропорттун кварталдык отчетуна ылайык, ушул жылдын июнь айынын аягында компаниянын таза кирешеси 1 миллиард 660 миллион 120 миң сомду түздү, бул 2020-жылга караганда 3,14 эсеге көп.

Акциялардын наркынын өсүшүнүн негизги бенефициары ишкананын эң ири акция ээси болгон мамлекет экенин кошумчалай кетели. Маммүлк маалыматы боюнча, компаниянын уставдык капиталындагы мамлекеттик үлүш 79,05% га бааланат (22 миллион 31 миң 388 акция).