Жогорку Кеңештин бюджет, экономикалык жана фискалдык саясат боюнча жыйынында Министрлер кабинетинин төрагасы Акылбек Жапаров депутаттарга республикалык бюджеттин эсебинен калкты инсулин менен камсыздоону убада берди. 

Анын айтымында, Кыргызстандын Израил менен инсулин жеткирүү боюнча келишими бар. Кыргызстанда 75 миңге чейин бейтап катталган.

Өкмөттүк эмес уюмдар инсулинге муктаж 250 миңден ашуун адам бар деп ырастагандыктан, Министрлер кабинетинин башчысы дагы деле муктаж болгондорду текшерүүгө жана аныктоого даяр экенин билдирди.