Өткөн жылдын 11 айынын жыйынтыгы боюнча Армения менен Кыргызстан Евразия экономикалык биримдигинде ички дүң продукциянын эң жогорку өсүшүн көрсөтүштү. Мындай маалыматтар ЕЭК тарабынан берилген.

Алсак, 2022-жылдын январь-ноябрында 2021-жылдын ушул мезгилине салыштырмалуу Армениянын ИДПсынын өсүшү 12,6%ды, Кыргызстандыкы – 7,2%ды, Казакстандыкы – 3%ды түздү.

Ошол эле учурда Беларуста жана Россияда ички дүң продукциянын төмөндөшү тиешелүүлүгүнө жараша 4,7% жана 1,6% байкалган. Бул Евразия экономикалык биримдигинин жалпы ИДПсында чагылдырылып, 2021-жылдын январь-ноябрына салыштырмалуу бүтүндөй биримдик боюнча 1,2%га төмөндөгөн.