Бишкектеги Ататүрк сейил багынын чыгыш тарабындагы объекттерди алуу иштери башталды. Бул тууралуу мэриянын басма сөз кызматы кабарлады.

Маалыматка ылайык, учурда Малдыбаев көчөсү, 69 дарегинде узундугу 86 метр болгон тосмо демонтаждалууда. Мындан тышкары, 14 метр узундуктагы чатыр алынат. Ошондой эле жашоочулар №104/1 дарегиндеги 4 кабаттуу үйдүн айланасындагы тосмону өз ыктыяры менен демонтаждоо иштерин башташты.

"Бул тосмо муниципалдык аймакка тиешелүү уруксат документтери жок орнотулган", - деп айтылат маалыматта.