Аз камсыз болгон үй-бүлөлөргө 1 кВт⋅с электр энергиясы үчүн тариф 50 тыйынга чейин төмөндөтүлдү

29.01.2022, 12:09 Акчабар
Аз камсыз болгон үй-бүлөлөргө 1 кВт⋅с электр энергиясы үчүн тариф 50 тыйынга чейин төмөндөтүлдү

Электр энергиясын керектөөнүн тынымсыз өсүшүнүн шартында энергетикалык кубаттуулуктарды жогорулатууга байланыштуу чечимдер иштелип чыгууда. Бул тууралуу министрлер кабинетинин басма сөз кызматынан билдиришти

Кыска убакыттын ичинде «Муз-Төр» чек ара заставасын электр менен камсыздоо», «Баткен облусунун Арка массивин электр менен камсыздоону жакшыртуу» сыяктуу орчундуу долбоорлор жыйынтыкталды, алардын ишке ашырылышы энергетикалык көз карандысыздыкты камсыздап, Баткен облусунун электр менен камсыздоо сапатын жакшыртууга мүмкүндүк берди.

Баткен облусунун аймагындагы жерлерди алуу маселелери да чечилип, CASA-1000 долбоорун ишке ашырууга мүмкүнчүлүк түзүлдү. Баткен облусунда кубаттуулугу 500 кВ электр линиясынын курулушу башталды.

Токтогул ГЭСин реабилитациялоо боюнча иш-чаралар активдүү жүрүүдө, анын алкагында №4 гидроагрегаттын жабдуусун монтаждоо иштери жүрүп жатат.

Энергиянын кайра жаралуучу булактары жөнүндө мыйзам иштелип чыгып, Киров суу сактагычында «Бала-Саруу» кичи ГЭСинин курулушун баштоо боюнча даярдык иштери жүрүп жатат.

Энергетика тармагынын туруктуу жана ишенимдүү ишин жана энергетикалык коопсуздукту камсыздоо максатында 2021-жылдын 30-сентябрында 2021-2025-жылдарга электр жана жылуулук энергиясына орто мөөнөттүү тарифтик саясат бекитилген.

"Үй-бүлөгө көмөк" ар айлык жөлөкпул алган аз камсыз болгон үй-бүлөлөр үчүн 2022-жылдын 1-январынан тарта (айына 700 кВт саатка чейинки өлчөмдө керектөөдө) 1 кВт⋅саат электр энергиясы үчүн тариф 50 тыйынга чейин төмөндөтүлдү.

Аталган чечим даректүү социалдык колдоо көрсөтүү жана президентинин «Аз камсыз болгон жарандарды (үй-бүлөлөрдү) электр энергиясы үчүн акы төлөөнүн өлчөмүн төмөндөтүү түрүндө колдоо чаралары жөнүндө» Жарлыгын ишке ашыруу максатында кабыл алынган. 

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×