Балдарга жөлөк пулду жогорулатуу үчүнбюджеттен 1 миллиард 200 миллион сом кошумча бөлүнгөн. Бул тууралууЭмгек, социалдык камсыздоо жана миграция министри Кудайберген Базарбаев билдирди.

Анын айтымында, жогорулоо өлкө боюнча 300 миңден ашуун балага тиешелүү болот.

"Президент Садыр Жапаров аз камсыз болгон үй-бүлөлөрдүн балдарына жөлөк пулдарын жогорулатууга кошумча 1 миллиард 200 миллион сом бөлдү. Бул багыттагы иш токтобойт, мамлекеттин балдарга болгон камкордугу системалуу, ырааттуу", - деди министр.

Белгилеп кетсек, бүгүн өлкө боюнча Балдарды коргоонун эл аралык күнү белгиленүүдө.