Кыргызстандын экономикасына коммерциялык банктардын кредиттери 2021-жылдын аягында 180 миллиард 794,9 миллион сомду түздү. 2020-жылга салыштырмалуу алардын көлөмү 17,9 млрд сомго же 11%га өскөн. Бул тууралуу Улуттук статистикалык комитеттен билдиришти. 

Анын ичинен жалпы кредиттердин 72%га жакыны улуттук валютада берилген.

"Кредит портфелинин негизги көлөмү соода чөйрөсүндөгү каржылоонун эсебинен 51,1 млрд сом же жалпы көлөмдүн 28,3%ы, айыл чарбасы – 34,2 млрд сом, же 18,9%, керектөөчүлөрдүн муктаждыктарына – 21,5 млрд сом, же 11,9% түздү. %, ал эми ипотека — 19,7 млрд сом же 10,9%", — деп билдирет Улуттук статистикалык комитет.

Кошумчалай кетсек, 2021-жылы кредиттик портфелдин 88,4%ы узак мөөнөттүү кредиттерге, 11,6%ы бир жылга чейинки кыска мөөнөттүү кредиттерге туура келген.