Мамлекеттик бажы кызматы кургатылган жемиштерди аткезчилик жол менен Баткен облусуна алып өтүүгө аракет кылгандарды кармады. Бул тууралуу аталган кызматтан билдирди.
Маалыматка ылайык, Баткен бажысынын кызматкерлери Кыргызстандын жараны А.уулу У.нун башкаруусундагы «VOLVO FH13» үлгүсүндөгү жүк ташуучу унааны токтотуп, текшерүүгө алган. Анда бажы мыйзамдарын бузуу менен коңшу мамлекеттен алынып келинген 18,1 тонна кургатылган жемиштер табылган.
Кармалган товардын жалпы баасы 1,1 миллион сомду түзгөн. Бул факт Кылмыштардын жана жооруктардын бирдиктүү реестрине катталган. Чогулган материалдар тергөө амалдарынын кароосуна өткөрүлүп берилген.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
