Бажы кызматынын Контрабандага каршы күрөшүү башкы башкармалыгынын кызматкерлери транспорт каражаттарынын бажы наркын төмөндөтүү боюнча эки фактыны аныктады. Бул тууралуу Бажы кызматынан билдиришти. 

Маалыматка ылайык, 2021-2022-жылдары чыгарылган “Mercedes-Benz, Maybach” үлгүсүндөгү эки унаанын бажы наркы төмөндөтүлүүгө аракет кылынган. 

“Бажы эрежелерин бузуунун натыйжасында мамлекетке келтирилген зыяндын суммасы 297 357 сомду түзгөн”, - деп айтылат маалыматта. 

Аталган мыйзам бузуу фактысы боюнча материалдар Башкы прокуратурага өткөрүлүп берилди.