Бир айдын ичинде 7 миң 809 чарба субъекти контролдук-кассалык машинаны (ККМ) колдонууга өттү. Бул тууралуу Мамлекеттик салык кызматынан билдиришти.

Жалпысынан 20-январга карата республика боюнча 32 миң 447 контролдук-кассалык машина колдонууда, анын ичинен 20 миң 831 – аппараттык жана 11 миң 616 – программалык ККМ.

Салык кызматы контролдук-кассалык машиналарды колдонууга милдеттүү субъекттерди жергиликтүү салык органдарына кайрылууга жана ККМге өтүүгө чакырат.

Учурда ККМдин эки түрү колдонулат – аппараттык жана программалык.

Ошондой эле Салык кызматы “Керемет Банк”, “РСК Банк” жана “Айыл Банк” менен биргеликте коюлган POS терминалы бар заманбап кассалык машиналарды орнотууда. Гибриддик ККМ акысыз берилет, аны алуу үчүн арыз менен иш жүргүзгөн жери боюнча аймактык салык органына кайрылуу зарыл