Бирдиктүү салык декларацияны кабыл алуу боюнча кампания старт алды

27.01.2022, 09:42 Акчабар
Бирдиктүү салык декларацияны кабыл алуу боюнча кампания старт алды

Мамлекеттик салык кызматы 2021-жылдын жыйынтыгы боюнча Бирдиктүү салык декларациясын кабыл алуу кампаниясын баштады.

Кезектеги декларациялык кампания эки этапта өтөт. Ага ылайык 1-мартка чейин юридикалык жактар, 1-апрелге чейин жеке жактар өткөн жылы алынган кирешелери ошондой эле, жер участоктору жана мүлк объектилери, экономикалык ишмердиктери тууралуу жана башка маалыматтар жөнүндө салык органдарына отчет берүүлөрү керек.

"1-мартка чейин Бирдиктүү салык декларациясын ата-мекендик уюмдар, дыйкан жана фермердик чарбалар, туруктуу мекемесин түзүү менен Кыргызстанда иштеген чет өлкөлүк уюмдар тапшырууга милдеттүү. Ошондой эле 1-апрелге чейин мамлекеттик жана муниципалдык кызматкерлер, жеке ишкерлер, менчигинде салык салынуучу кыймылдуу (транспорт), кыймылсыз (батир жана үй) мүлкү жана жер участогу (короо-жай участкаларынан башка) бар жеке жактар, ошондой эле, юридикалык жакты түзбөй туруп иштеген дыйкан жана фермердик чарбалар Бирдиктүү салык декларацияны тапшырууга милдеттүү",- деп айтылат Салык кызматынын маалыматында.

Белгилей кетсек, 2021-жылга карата Бирдиктүү салык декларациясы 2021-жылдын 31-декабрына карата белгиленген формаларга жана мөөнөттөргө ылайык берилет. Кийинки жылдан тартып жаңы формалар жана мөөнөттөр боюнча бериле баштайт.

Толук маалыматты 116 номеринен же www.sti.gov.kg сайтынан алууга болот.

Тэги: Мамлекеттик салык кызматы Бирдиктүү салык декларациясы

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×