Коомдук транспорттун тарифтери азыркыдай эле кала берсе, Бишкекке ташылып келген автобустар өзүн актай албайт. Бул тууралуу вице-мэр Мирлан Байгончоков Жогорку Кеңештин Транспорт, коммуникациялар, архитектура жана курулуш боюнча комитетинин жыйынында Европа реконструкциялоо жана өнүктүрүү банкы менен Кыргызстандын ортосундагы газ автобустарын сатып алуу боюнча гранттык макулдашууну талкуулоо учурунда билдирди.

Ал белгилегендей, бир автобус орточо эсеп менен 115 миң евро турат.

“Бүгүнкү күндө коомдук транспортто накталай эмес жол кире 17 сомду, накталай түрдө 20 сомду түзөт. Мындай баада алар өзүн актабайт. Ал үчүн тарифти көтөрүү керек. Тарифтер 25 сом болуп, тетиктердин баасы өзгөрүүсүз, курсу туруктуу болсо, балким 8-10 жылдан кийин өзүн актап калат”, - деди ал.