Бишкектеги жол түйүндөрүн курууга 4 миллиард 600 миллион сом сарпталат. Анын 1,5 миллиард сому жергиликтүү бюджеттен бөлүнсө, 3 миллиарддан ашыгын Кытай берет.

Мындай маалымат ордо калааны социалдык-экономикалык өнүктүрүү программасын ишке ашыруу боюнча иш-чаралар планында камтылган.

Белгилеп кетсек, жол түйүндөрүн куруу үч этап менен ишке ашат. Иштер толугу менен 2026-жылы аяктайт деп пландалууда.