Бишкектин коомдук транспортунда накталай төлөгөндө жол кире 30 сомду түзүшү мүмкүн. Бул тууралуу шаардык кеңештин отурумунда вице-мэр Максатбек Сазыкулов билдирди.

Анын айтымында, шаар тургундарын накталай эмес төлөм системасына толугу менен өткөрүү үчүн дифференцияланган тариф киргизүү пландалууда. Ага ылайык, тулпар картасы менен жол кире 11 сом, ал эми накталай 30 сомду түзүп калат.

"Мындай учурда айдоочулар жүргүнчүлөргө чек берүүгө милдеттендирилет", - деди Сазыкулов.

Эске салсак, ордо калаанын муниципалдык коомдук транспорту накталай эмес төлөм системасына өткөрүлгөн.