Быйыл Кыргызстанга чет өлкөлөрдөн 142 миң автоунаа алынып келинди. Бул тууралуу Мамлекеттик бажы кызматынын төрагасынын орун басары Улан Кимсанов Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында билдирди. 

Маалыматка ылайык, мунун 50-55 миңи Кытайдан келген автоунаалар, алардын катарында электромобилдер да бар.