Быйыл кургакчылык жана ысык аба ырайынан улам дан эгиндеринин түшүмү кескин кыскарган. Бул тууралуу Улуттук статистикалык комитети билдирди. 

Кыргызстанда 23-августка карата (буурчак, күрүч жана гречканы кошпогондо) 394,8 миң гектар аянттан дан эгиндери жыйналды. Түшүм былтыркы жылдын ушул мезгилине салыштырмалуу 2%га азайган.  

Эгинди ооруп-жыюунун азайышы дан эгиндеринин түшүмдүүлүгүн дээрлик 32%га төмөндөшүнө байланыштуу. 

Өлкө боюнча дан эгиндеринин орулган аянты жалпысынан орулуучу аянттын 68%га жакынын түздү. Анын ичинде Чүй облусунун чарбаларында – 81%, Баткен – 73% жана Ош облусу – 70%ды түздү.