2023-жылы ЕАЭБ өлкөлөрүндө курулуштун көлөмү 203,1 млрд долларды түздү. Бул тууралуу Евразиялык экономикалык комиссиянын аналитикалык баяндамасында айтылат. 

Маалыматка ылайык, бул 2022-жылга салыштырмалуу 8,6%га көп. 

“2023-жылы ЕАЭБде аткарылган курулуш иштеринин көлөмү Кыргызстанда 1,6 млрд долларды түзгөн. Өсүш 32,1%ды түздү”, - деп айтылат маалыматта. 

Кошумчалай кетсек, ЕАЭБде Арменияда 1,3 млрд доллар (+37,6%), Беларуста 5,5 млрд доллар (+11,4%), Казакстанда 16,4 млрд доллар (+13,3%), Орусияда 178,3 млрд доллар (7,9%) курулуш иштери жүргөн.