Былтыр 2022-жылы өлкөдө жумушсуздардын саны 5%га кыскарган. Бул тууралуу Эмгек, социалдык камсыздоо жана миграция министрлиги билдирди. 

Ал эми жумушка орноштуруу кызматы 16 миң адамды жумуш менен камсыздаган. 

Ошондой эле, Эмгек, социалдык камсыздоо жана миграция министри Кудайберген Базарбаев Кыргызстанда жумушчулар жетишсиз экендигин билдирген. 

“Азыр өлкөдө жумуш орундары тартыш эмес, жумушчулар жетишсиз. Ишканаларга, завод-фабрикаларга жумушчулар керек. Бирок балдар мектепти аяктагандан кийин дароо өлкөдөн чыгып кетүүнү, миграцияга кетүүнү каалашат”, - деп айтылат маалыматта.