Кыргызстанда төө буурчактын сатып алуу баасы туруктуу. Бул тууралуу Талас облустук төө буурчакты экспорттоочулар ассоциациясынын төрайымы Чолпон Нурманбетова билдирди.

Анын айтымында, 2022-жылы дыйкандар 20 миң тонна "Лопатка", 30 миң тонна “Томатный” жана калган 5% “Красавчик” жана “Ребой” сортторун жыйнашкан.

“Бүгүнкү күндө “Лопатка” сортундагы төө буурчактын баасы килограммы 100 сомдон, 1 тоннасы жалпысынан 1550 долларды түзөт. Логистиканы жана чыгымдарды эске алуу менен “Помидор” сорту 65 сомдон сатылып алынды. Былтыркыга салыштырмалуу быйыл буурчак өсүмдүктөрүнүн баасы бир топ жогорулады”, - дейт ал.

Маалыматта учурда Таласта төө бурчак 54 миң 600 гектар жерден жыйналып жаткандыгы айтылат.