Улуттук коопсуздук боюнча мамлекеттик комитеттин Чек ара кызматынын кызматкерлери тарабынан Тажикстандан аткезчилик жол менен алынып келе жаткан жашылча-жемиштер кармалды. Бул тууралуу Чек ара кызматынан билдирди.

Чек арачылар Кыргыз Республикасынын жарандары айдап бара жаткан эки Мерседес-Спринтер автоунаасын кармашты.

Кармалган жүктүн көлөмү болжол менен 5 тоннаны түзгөн.

Алдын ала маалыматтар боюнча, контрабандалык продукциянын жалпы наркы 530 миң сомдон ашык сумманы түзгөн.

Унаалар жана жүктөр кошумча текшерүү үчүн компетенттүү органдардын кызматкерлерине өткөрүлүп берилген.