Жерди жана сууну көзөмөлдөө кызматы Чүйдүн Ивановка, Милянфан, Кең-Булуң айыл аймактарындагы токой фондусунун жерлеринде жайгашкан 43 балык чарбасын текшерди. Бул тууралуу Айыл чарба министрлигинин басма сөз кызматы билдирди. 

Текшерүүнүн жыйынтыгында жерлерди пайдалануу эрежелери бузулуп, ыйгарым укуктуу органдын чечимдерин, жазма буйруктарын, жана талаптарын аткаруу тартиби бузулган. 

“Мыйзам бузган 43 балык чарбасына 239 миң 500 сом айып пул салынды”, - деп айтылат маалыматта. 

Учурда Чүйдөгү башка дагы балык чарбалар текшерилүүдө.