«Бүтүн Кыргызстан» партиясынын мүчөлөрү мыйзамсыз иштешкен - УКМК

01.12.2022, 15:10 Акчабар
«Бүтүн Кыргызстан» партиясынын мүчөлөрү мыйзамсыз иштешкен - УКМК

“Бүтүн Кыргызстан” партиясынын мүчөлөрүнүн Жогорку Кеңеште мыйзамсыз иштөө фактылары аныкталды.  Бул туурасында УКМКнын басма сөз кызматы билдирди.

Маалыматка ылайык, 1993-жылы туулган “Бүтүн Кыргызстан” парламенттик фракциясынын лидеринин  кеңешчиси  Айпери Кулмурзаева, 1994 жылы туулган фракция катчылыгынын эксперти Айгерим Алибаева, 1993-жылы туулган Азамат Муратбек уулу Адахан Мадумаровдун жардамчысы болгон. Жумуш учурунда жасалма документтерди, тагыраагы, эмгек китепчелеринде жалган маалыматтарды көрсөткөн. 

Аларга карата Кыргызстандын Кылмыш-жаза кодексинин 379-беренесинин 2-бөлүгү (Атайылап жасалма документти колдонуу) менен кылмыш иши козголгон.

Айгерим Алибаева менен Азамат Муратбек уулу жасалма документтерди мойнуна алып, өз каалоолору менен ээлеген кызматынан кетүү боюнча арыз жазышкан. Бишкектин Биринчи Май райондук сотунун чечими менен Айпери Кулмурзаева ээлеген кызматынан бошотулду.

 

Тэги: новости Кыргызстана Бутун Кыргызстан ГКНБ КР

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу