Садовое жана Аламүдүн айылдарында республикалык дем берүүчү гранттын эсебинен жети балдар аянтчасы курулду. Бул тууралуу Аламүдүн айыл аймагынан билдиришти. 

Маалыматка ылайык, эскирген балдар аянтчаларын жакшыртуу боюнча долбоордун баасы 4 млн 80 миң сомду түздү. Дем берүүчү гранттын 2 млн 580 миң сому каралса, калган 1,5 млн сому жергиликтүү кеңештин сессиясынын чечими менен жергиликтүү бюджеттен бөлүнгөн. 

Белгиленгендей, тилкелерди жакшыртуу иштери жүргүзүлүп, тактап айтканда, аянтчалардын үстү толтурулуп, даярдалып, бордюрлар, отургучтар, таштанды челектери орнотулган.

“Ар бир аянтча каруселдер, селкинчектер жана оюн комплекстери жабдылган. Гранттык колдоонун жардамы менен балдардын физикалык өнүгүүсү жана активдүү эс алуусу үчүн шарттар түзүлүп, тургундар балдары менен сапаттуу сейилдөөгө мүмкүнчүлүк алышат”, - деп айтылат маалыматта.