Кечээ, 29-мартта Улуттук банк жүгүртүү мөөнөтү 7, 14 жана 28 күндүк ноталарды жайгаштыруу боюнча аукциондорду өткөрдү. Бул тууралуу башкы банктын сайтында маалымдалды.

Улуттук банк жалпысынан кыска мөөнөттүү баалуу кагаздарды чыгаруу аркылуу банк системасынан 3,2 млрд сомго ликвиддүүлүктү алууну пландаштырган.

Баалуу кагаздарды жайгаштыруунун жыйынтыгы боюнча жүгүртүү мөөнөтү 7, 14 жана 28 күн болгон ноталар боюнча кирешелүүлүгү тиешелүүлүгүнө жараша 13,17%, 13,32% жана 13,59%ды түздү. 23-мартта өткөн аукционго салыштырмалуу 14 жана 28 күндүк ноталар 0,01%га жана 0,09%га кымбаттап, 7 күндүк ноталар болсо 0,03%га төмөндөгөн.