Евразия экономикалык бирикменин үчүнчү өлкөлөр менен болгон соодасы ушул жылдын июнь айында 46.9 млрд долларды түзгөн. Бул маалыматты Евразия экономикалык комиссия маалымдады.
Анын ичинен экспорттун көлөмү - 25.8 млрд долларды, импорт - 21.1 млрд долларды түзгөн.
«Өткөн жылдын июнь айына салыштырмалуу айлануу 19.1% же 11.1 млрд долларга төмөндөгөн. Кыскаруу экспорттун 23% же 10.2 млрд долларга азайышы менен байланыштуу», — деп жазылат маалыматта.
Товарлардын тышкы соодасынын сальдосу 4,7 миллиард долларды түзгөн, ал эми өткөн жылы июнь айында бул көрсөткүч 14 миллиард долларга жеткен.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
