Кыргызстандын элет жергесинин аялдары жайыттарды башкарууга окутулду. Аталган окуу “Жер мыйзамдарынын актуалдуу маселелери” темасындагы семинардын алкагында өттү. Бул тууралуу Суу ресурстары, айыл чарба жана кайра иштетүү өнөр жай министрлиги билдирди. 

Ага Чүй, Баткен, Жалал-Абад жана Ысык-Көл облустарынан кыз-келиндер катышты. 

Окутуунун негизги максаты - аялдардын жайыттарды башкаруу жана пайдалануу боюнча маселелерин жер-жерлерде чечүүдө билим деңгээлдерин жогорулатуу, ошондой эле учурдагы административдик территориалдык реформанын алкагында жайыттарды башкаруудагы өзгөчөлүктөр боюнча кеңири маалымдоо болуп саналат.