2-апрелде “Туруктуу агроөнөр жай секторун түзүү” аталышында агрофорум өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. 

Форум — айыл чарбасындагы алдыңкы ишкерлердин тажрыйбалары менен бөлүшүү үчүн ири аянтча болот.

Иш-чаранын жүрүшүндө бир катар тематикалык сессиялар өтөт, атап айтканда: 

• айыл чарбасын жана кайра иштетүү өнөр жайын өнүктүрүү,
• Кыргызстанда агроөнөр жай комплексин өнүктүрүүнүн келечеги,
• агроазык-түлүк секторундагы мамлекеттик чыгымдардын тенденциялары,
• азык-түлүк коопсуздугу жана инфляция жөнүндө изилдөөнүн алгачкы жыйынтыктары,
• технологиялар, инновациялар жана инвестициялар аркылуу атаандаштыкка жөндөмдүү жана туруктуу айыл чарбасын түзүү.
• Иш-чарага республиканын бардык облустарынан дыйкандар, ишкерлер, кайра иштетүүчүлөр жана өндүрүүчүлөр чогулат.