Эртең, 16-мартта саат 13:00дөн 19:00гө чейин Бишкекте Курманжан Датканын эстелигинин алдындагы аллеяда кайрымдуулук жарманкеси өтөт. Бул тууралуу мэриянын басма сөз кызматы билдирди.

Маалыматка ылайык, кайрымдуулук жарманке Нооруз майрамына карата дипломатиялык максатта өтөт.

Аны Тышкы иштер министрлиги Бишкек шаарынын мэриясы менен биргеликте чет өлкөлүк дипломатиялык өкүлчүлүктөрдүн катышуусунда уюштурууда.

Жарманкеде улуттук сувенирлер, тамак-аш жана суусундуктар коюлат. Иш-чарадан түшкөн каражат кайрымдуулукка жумшалат.