Милдеттүү медициналык камсыздандыруу фонду индивидуалдык коргонуу каражаттарынын запастарын түзүүгө жана алууга кошумча 104.8 млн сом бөлүп берди. Бул тууралуу борбор калаанын мэриясынын басма сөз кызматы кабарлады.

«Каражаттар толугу менен өздөштүрүлүп, сатып алуу жүргүзүлдү. Азыркы учурда шаардын медициналык уюмдарында индивидуалдык коргонуу каражаттары жетиштүү көлөмдө бар»,-деп билдирет мэрия.

Пандемиянын башынан бери ММКФ Бишкекке 1 млрд 576.2 млн сом бөлүп берген, алардын ичинен каражаттар төмөнкүгө жумшалган:

«Клексан» кайрадан 8 миң сомдон сатылып жаткандыгы аныкталган

• Медиктердин айлык акысына жана социалдык фондго төлөмдөр катары – 1 млрд 26.2 млн сом (65.1 пайыз);
• Медикаменттерди жана медициналык жасалгаларды алууга – 364.3 млн сом (23.1 пайыз);
• Коммуналдык кызматтарга – 87.5 млн сом (5.5 пайыз).

Индивидуалдык коргонуу каражаттарын алууга 50 млн сом бөлүнгөн.