Быйылкы жылы Кепилдик фонду чакан жана орто бизнести колдоо боюнча өз ишмердүүлүгүндө дагы бир рекорддук көрсөткүчкө жетти. Бул тууралуу фонддун сайтында маалымдалды.

Уюмдун маалыматы боюнча, Кепилдик фонд 2020-жылы республикадагы чакан жана орто бизнести колдоого 799,1 миллион сом суммасында кепилдик берип, жалпысынан дээрлик 3 миллиард сомдук кредиттерди камсыздаган.

"2021-жылдын 30-ноябрына карата "Кепилдик фонду" ААК өлкөдөгү чакан жана орто бизнеске колдоо көрсөтүп, рекорддук сандагы кепилдиктерди 1 миллиард 37 миллион сомго 665 кепилдикти берди. Өнөктөш банктар "Кепилдик фонд" ААКнын кепилдиги менен ишкерлерге 3 миллиард 564 миллион сом өлчөмүндө насыя беришти", — деп айтылат маалыматта.

Буга чейинки рекорд 2019-жылы болгон, анда “Кепилдик фонду” ААК 780 миллион сом өлчөмүндө кепилдик берген, анын аркасында ишкерлер 2,5 миллиард сомдон ашык суммадагы кредиттик каражаттарды алууга мүмкүнчүлүк алышкан.