Улуттук банктын төрагасы Кубанычбек Бөкөнтаев АКШнын Вашингтон шаарында өткөн Дүйнөлүк банк тобунун жана Эл аралык валюта фондунун башкаруучуларынын жылдык жолугушуусуна катышты. Бул тууралуу жөнгө салуучу органдын сайтында жазылды.

Иш-чаранын алкагында бир катар жолугушуулар болуп, анда дүйнөлүк экономиканы өнүктүрүүнүн негизги тенденциялары жана болжолдору, ошондой эле Кыргызстандагы учурдагы экономикалык абал жана макроэкономикалык саясаттын чаралары, анын ичинде финансы секторунда туруктуулукту сактоо маселелери талкууланды.