Бюджет, экономикалык жана фискалдык саясат боюнча комитеттин жыйынында депутат Марлен Маматалиев Социалдык фонддун төрагасы Бактияр Алиевден Конституцияда пенсия тууралуу эмне жазылганын сурады. 

Соцфонддун башчысы Конституцияда пенсиянын минималдуу өлчөмү жашоо минимумунан төмөн болбошу керек деп жазылган деп жооп берди.

“Туура. Минималдуу пенсияны жашоо минимумуна чейин кантип көтөрүү керектиги тууралуу айтып бериңизчи”, - деди Маматалиев.

Соцфонддун төрагасы быйыл октябрь айынан тарта пенсия 33%га жогорулаганын айтты. Келерки жылга пенсиянын көлөмүн көбөйтүү да пландалууда.