"Мегаком" компаниясы 2014-2015-жылдары эле сатууга коюлган. Анда ишкана 19 миллиард сомго бааланган. Бирок суроо-талаптын жоктугунан баа 20% га - 14 миллиард сомго чейин төмөндөтүлгөн. Бул тууралуу Маммүлктүн башчысы Мирлан Бакиров маалымат жыйынында билдирди.

Ал мамлекет бул активди сатууну көздөп жатканын дагы бир жолу тастыктады.

"Бүгүн министрлер кабинетинин биринчи милдети - мамлекеттик компаниянын баасын кайра баалоо, жаңылоо, экинчиден, оператор сатыла турган ыкманы аныктоо керек, үч вариант бар: аукцион, атаандаштык жана түздөн-түз сатуу. Азырынча кайсы компаниялар катыша аларын билбейбиз. Бирок бүгүнкү күндө Улуттук банктын "Альфа Телеком" жабык акционердик коомун сатып алууга ниети бар, муну Улуттук банктын төрагасы ЖКда өткөн жыйында билдирди", - деди Бакиров.

Ал баса белгилегендей, "Альфа Телеком" жабык акционердик коомун сатуу үчүн атайын комиссия түзүлөт, анткени объект стратегиялык мааниге ээ.